BEEGDEN.COM - VERZAMELINGEN

Muziekverzameling uit Beegden

CARNAVALSLIEDJES

Hieronder staan alle liedjes met teksten en MP3 van het BVK 2010.

Verder een verzameling Bieegdjer teksten en muziek.

D’n Tillefoon 2010: Tekst & meziek: Thijs Claessen
Zang: de Briljantjes (winnaar BLK 2010)

Couplet 1:
Eder jaor mèt de kermistied
Höb ich gein zin óm oet te gaon
Den blief ich thoes, gaon gaar niks doon
Want missjien geit de tillefoon

De Vorst dae mót mich belle
En mich de vraog gaon stelle
Of ich wil regere in ’t Jokerriek
Want ich höb mer eine wins en det is vastelaovesprins
Te wae-re in ’t Jokerriek.

Refrein:
Want miene tillefoon, dae mót ’t altied doon
Van sjmorges vreug toet saoves laat,
Sjtaon ich mèt det dink paraat,
Veul ’t aan mien water det d’r dalik geit.
Es miene tillefoon ’t daag en nacht blieftj doon,
Den weit ich zeker det get sjoeans te wachte sjteit.

Tussenspel:

Couplet 2:
Weer ein jaor sónger tillefoon,
Zooj det dink ’t echt waal doon,
Ich vinj ’t gek huer gaar niks mier,
Estebleef bel mich eine kier

De Vorst dae mót mich belle,
En mich de vraog gaon stelle
Of ich wil regere in ’t Jokerriek
Want ich höb mer eine wins en det is vastelaovesprins
Te wae-re in ’t Jokerriek.

Bridge:

Tillefoon tillefoon dalik geit de tillefoon
Wach mer ins, wach mer ins, straks den bön ich hie de Prins
Tillefoon tillefoon dalik geit de tillefoon
Wach mer ins, wach mer ins, straks den bön ich hie de Prins
Tillefoon tillefoon dalik geit de tillefoon
Wach mer ins, wach mer ins, straks bön ich de Prins

Outro:

....................................................

OZE BIEËGDJER PRINS BBC (Bieegdjes Beer Club) 2010 Tekst: Herman Claessen. Meziek: Thijs Claessen

A CAPELLA
Waat ’ne sjoeane Prins (‘ne sjoeane prins)
‘ne Prachtige Prins (prachtige Prins)
‘t is er éin oet ein miljoen (oet ein miljoen)
Waat ’ne heerlijke Prins (heerlijke Prins)
Oze Bieëgdjer Prins - de Vastelaoves Kampioen

TUSSENSPEL

‘tIs weer fieëst int dörp Vastelaovendj in ‘t landj
Lol en plezeer gaon handj in handj
De muziek is good de kepel sjpeeltj briljant
Dus ed’rein sjpringtj oet de bandj

Refrein:
Waat ’ne sjoeane Prins
‘ne Prachtige Prins
‘t is er éin oet ein miljoen
Waat ’ne heerlijke Prins
Oze Bieëgdjer Prins - de Vastelaoves Kampioen

TUSSENSPEL

Op ’t Jokerbal dao geit hae väörop
En sjpraeke duit hae oet de kop
Soms drinktj hae beer soms is hae Bob
Jao, oze JokerPrins dae is TOP

Refrein

vvvvvvvv
Bieëgdjer Prins, Bieëgdjer Prins, Vastelaoves kampioen
Bieëgdjer Prins, Bieëgdjer Prins,
Bieëgdjer Prins, Bieëgdjer Prins,
Bieëgdjer Prins, De Vastelaoves kampioen

Waat ’ne sjoeane Prins
‘ne Prachtige Prins
‘t is er éin oet ein miljoen
Waat ’ne heerlijke Prins
Oze Bieëgdjer Prins de Vastelaoves Kampioen
de Vastelaoves Kampioen

................................

Bieegdjer blood-lekker glaeske beer
Hei Frits ’t waerdj weer vastelaovendj man Jao Huub waat motte wae dao noe met Hei waat is det Det is de prinsewage? Woea geit dae haer, woea geit dae haer Wae zeen geboeare aan de groeate Maas Wae ginge viere en gave flink get gaas Te laat, te zaat en ouch gein beer oet ’t vaat ’t Beer is hie waal lekker kaod hè Jao kaod en lekker Lala lala lalala. Dit is ein fieëst ouch väör ein bieëst Det kumptj d’r nog neet hieëlemaol lekker oet hè Jao precies, wae gaon d’r lekker tieënge aan Och waat zeen ich den noe? Det is ein zate harmenie Wae zeen twieë vrinj en kómme van de Maas We roeake ’t beer en gave toen get gaas Waat is det? Eine duukboeat? Nae, det is eine Pruus op ziene moterboeat We klinke noe uch alle toe Proost, santé Heerlijk, zón fieëst Jao zeker Dit is ein fieëst ouch väör ein bieëst En den noe allemaol d’r lekker tieënge aan, kóm op, gaef gaas Gaef ós mer ’n lekker glaeske beer, ein lekker glaeske beer det höbbe wae zoea gaer Gaef ós mer ’n lekker glaeske beer, ein lekker glaeske beer den waggele wae op en neer Gaef ós mer ’n lekker glaeske beer, det lekker glaeske beer den sjuve wae op en neer Det lekker beer, det lekker beer gaef ós nog väöl mieër. Gaef häör mer ’n lekker glaeske beer, ein lekker glaeske beer det höbbe ze toch zoea gaer Gaef häör mer ’n lekker glaeske beer, ein lekker glaeske beer den waggele ze op en neer Gaef ós mer ’n lekker glaeske beer, det lekker glaeske beer den sjuve ze op en neer Det lekker beer, det lekker beer gaef ós nog väöl mieër.

................................

Ich höb al jaore lang ligge druime. Prins Johan II & zien Adjes Melodie: Wolter Kroes- Ik heb de hele nacht liggen dromen Ich höb al jaore lang ligge druime, van de jas, van de steek, euveral wao ich keek, zooch ich prinse op het bal. Kan het noe, evengood nog neet geleuve. Och waat höb ich gelök, nee, ‘t kan neet mieër stjök met dees daag. Wetse waat ich veul es ich nao alle aoge kiek. Wetse waat ich veul want dit waas miene wins. Wetse waat ich veul hie in dit sjaone jokerriek. Ich kos neet langer wachten , eind’lijk bön ich prins!!!!!!!!!!!! REFREIN We höbbe noe mer ein probleempje, deze prins geit noets nao hoes. Dus blieve wae dus auch mer mit doon en zeen get later thoes. Zao höbs se waal ens van die jaore, det ’t fieste neet mieër stoptj die daag. Want deze is dao veur gebaore … det d’r echt niks misse maag!!!!!!!!!!!!!!!!!!! REFREIN Wetse waat ich veul es ich nao alle aoge kiek. Wetse waat ich veul want dit waas miene wins. Wetse waat ich veul hie in dit sjaone jokerriek. Ich kos neet langer wachten , eind’lijk bön ich prins!!!!!!!!!!!! Modulatie Ich höb al jaore lang ligge druime, van de jas, van de steek, euveral wao ich keek, zooch ich prinse op het bal. Kan het noe, evengood nog neet geleuve. Och waat höb ich gelök, nee, ‘t kan neet mieër stjök met dees daag. Och waat höb ich gelök, nee, ‘t kan neet mieër stjök met dees daag.

................................

In Bieëgdje zitj meziek Zang: De Vlijtige Liesjes Tekst: Hugo Delissen. Meziek: Hub Abels Koeplet 1: ’t Is weer vastelaovendj, ich pak mien instrument En same mèt mien maote, zeen wae ein groeate bend ’t Klinktj weer väöl te hel en vals en óngeliek Jao, jao, jao, in Bieëgdje, in Bieëgdje zitj meziek Refrein: Es ich dich zeen den roop ich dich En vraog ich drek noe sjpeel mèt mich Wae make weer meziek dit jaor Det vindtj vast nemes ein bezjwaor Alles duit den mèt ós mèt Ich hoeap det ederein ouch wètj In ’t Bieëgdjer Jokerriek Dao is altied meziek. Tössesjpel Koeplet 2: De windj wejtj langs de toeare, hae flötj ein hoeage sol En de kèrkklokke, die sjlaon alweer op hol Sjpeel allemaol meziek, ’t maaktj neet oet of ’t get liektj Jao, jao, jao, in Bieëgdje, in Bieëgdje zitj meziek. Refrein 2X Tössesjpel Kiek dao is oze Tom, houdtj keihel op zien tróm En Luc op zien trómpet bleustj zien ganse luppe óm Paktj allemaol eur instrument, den veultj gae uch echt riek Jao, jao, jao, in Bieëgdje, in Bieëgdje zitj meziek. Refrein 1X Refrein modulatie

................................

Ôzze Hannes - Die Twieë en de Maedjes (tekst en meziek: Har Delissen) 1. Dae Hannes, ôzze Hannes, dae hèltj van carnaval Dae Hannes, ôzze Hannes, dae geit den nao ‘t bal Dae Hannes, ôzze Hannes, dae geit den flink te kieër Dae Hannes, ôzze Hannes, is neet de jongste mieër Refrein: En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes 2. Dae Hannes, ôzze Hannes, ein glaeske hieët d’r gaer Dae Hannes, ôzze Hannes, gauw zaat wie eine baer Dae Hannes, ôzze Hannes, hae maaktj ’t den te bontj Dae Hannes, ôzze Hannes, nao boete uuëver de grondj Refrein: En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes 3. Dae Hannes, ôzze Hannes, is á aoves al erg meug Dae Hannes, ôzze Hannes, väör Carnaval te vreug Dae Hannes, ôzze Hannes, hae koch zich noew gymsjoon Dae Hannes, ôzze Hannes, want fitness ging d’r doon Refrein: En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes Brögk: Dae fitness dae waas fijn, hae blieftj zoeë oppe bein Refrein: En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes En den sjtrômpeltj d’r en den hômpeltj d’r en den sjtrômpeltj d’r weer nao hoes

................................

Ich zeen dich - NiNiFranFranLique (tekst en meziek: Nicolette Derckx) Ich zeen dich, ich zeen dich, ich zeen dich, ich zeen dich met vastelaovendj waal. Ich zeen dich, ich zeen dich, ich zeen dich, ich zeen dich in de kroeg of in de zaal. Jao jao, ich zeen dich, ich zeen dich, ich zeen dich, ich zeen dich met vastelaovendj waal. En es se mich den neet kins vinje, nou den maak merg et kabaal. En es se mich den neet kins vinje, nou den maak merg et kabaal. Mien vriendinnen die zeen alle daag aan’t klage. Det ich noe bienao neet mieër met ze kal. Want ich wil hieël hel werke aan dae wage. En pekskes neije veur het Jokerbal. Dus höb ich effe geine tied…… want sjtrakkes höb ich sjpiet. Daorom zeg ich… Ich zeen dich, ich zeen dich, ich zeen dich, ich zeen dich met vastelaovendj waal. Ich zeen dich, ich zeen dich, ich zeen dich, ich zeen dich in de kroeg of in de zaal. Jao jao, ich zeen dich, ich zeen dich, ich zeen dich, ich zeen dich met vastelaovendj waal. En es se mich den neet kins vinje, nou den maak merg et kabaal. En es se mich den neet kins vinje, nou den maak merg et kabaal. Auch os kinjer höbbe noe hieël get te lieje. Os hoes det sjteit al waeke oppe kop. Mer later dinktj men trok aan leuke tieje. Zón vastelaoves-mam is toch waal top. Dus laote ze mich effe gaon…… zoeadet ich hie veurop kan sjtaon. Daorom zeg ich… Ich zeen dich, ich zeen dich, ich zeen dich, ich zeen dich met vastelaovendj waal. Ich zeen dich, ich zeen dich, ich zeen dich, ich zeen dich in de kroeg of in de zaal. Jao jao, ich zeen dich, ich zeen dich, ich zeen dich, ich zeen dich met vastelaovendj waal. En es se mich den neet kins vinje, nou den maak merg et kabaal. En es se mich den neet kins vinje, nou den maak merg et kabaal.

Archief:

BIEËGDE (DÖRPKE AAN DE MAAS)
1998: Tekst & meziek: F. Delissen, AjuuParapluu
Zang: La Traalknaal

Refrein:
Bieëgdje, Bieëgdje, dörpke aan de Maas.
D'r is gein plaats in hieël 't landj, woea ich lever waas.
Bieëgdje, Bieëgdje, noeats wil ich hie weg.
Miense höbbe goje kiek op ' laeve in 't 'Joker-riek'.
Zit dien zörg mer aan de kantj in ós sjoeane Bieëgdjerlandj.

Väör hieël väöl hóngerdje jaore waerdje hie ein plaetske gesjtichtj.
Woea mennig miens is geboeare kreeg Bieëgdje zien gezicht.
Die plaats is altied gebleve, mèt Maas en hei en boes.
Is men in de vraemdje, den kumps' hie gaer weer thoes.

De miense die hie laeve, die woeane ouch gaer hie.
Ze dörve zich te gaeve en zeen gaer uev'ral bie.
Mèt vastelaovendj en kèrmis, den hieët 't dörp plezeer.
Miense gaon in polonais', mèt ein glaeske beer.

--------------------------------------------

BIEËGDJE, MIEN BIEËGDJE
1982: Tekst: Henk Evers - muziek: A. Preud'homme

Refrein:
Och Bieëgdje, mien Bieëgdje, oos dörpke zoo schoän,
't Is vastenaovendj, die spins hiej de kroän,
Gevange door 't water, dien heij geit der aan,
Zoo is noew ut leave, gein miens dinktj doa aan.

De baggers zeen gekome, dien purper heij moost weg,
Veur hieël veul doezendje guljes, gein miens sprook toen van pech,
De grindj dea mot de groondj oet, det vindj neet eederein,
De groëte stjapel haardhout is veur veul weer fein.

Mer wiltj gea rekreasie, wêtj gea waal waat det is,
Oos heij en auch oos bosse gaon nao de verdommenis,
Wea kriege veur dit alles ein hieël groët watermeer,
Mer es 't ins aan oos laag, kwaam 't vol mêt beer.

--------------------------------------------

BIEËGDJE MIEN DÖRPKE KLEIN
1997: Tekst: Herman Claessen - muziek Frank Delissen
Zang: La Traalknaal

Dao liktj ein plaetske in oos landj, woea ins mien weegske sjtóng,
woea ich mien hert aan höb verpandj, es richtige Bieëgdjerse jong.
Dao lieërdje ins mie Moder mich 't Bieëgdjers dialekt,
en mót ich later weg van dich, den dink ich toch weer drek:

Refrein:
Bieëgdje mien dörpke klein, ich droum van dich allein.
Dao woea mien aojers-hoes nog sjteit, det plaetske vergaet ich zelaeve neet.
Bieëgdje zoea aod en zoea sjoean, doe spins bie mich de kroean.

Hie mós ich vreuger jaore es kindj nao 't sjuelke gaon.
Daoróm durf ich noew verklaore, mien hert blieftj väör Bieëgdje sjlaon.
Dao woea det leeflik kèrkske sjteit, det uever oos dörpke waaktj.
Es saoves zien Angelus-klökske sjleit, den bön ich op mien gemaak.

Ich haoj zoea van de Bieëgdjer hei, de mäöle en de Maas,
woea ich es kindj gewanjeldj höb, en bleumkes plocht in 't graas.
Och mót ich nao de vraemdje gaon, den höb ich heimwee nao dich,
den laot ich zeker mennige traon want doe bös alles väör mich.

--------------------------------------------

BLAOS MICH BLIE
2006/2007: Tekst & muziek: Ren Bours
Zang: HerRen (Herman Claessen & Ren Bours) o.b.v. Arosakapel

Refrein:
Blaos, blaos, blaos, blaos, blaos Arosakapel
Blaos, blaos, blaos, blaos maak ederein blie mèt dien sjpel
Blaos, blaos, blaos, blaos de ein nao de anger melodie
Blaos, blaos, blaos, blaos Arosakapel blaos mich bliej

Want ich kin toch neet gaon es ich weit
Dalik huuer ich de sjoeanste trompette
En ich kin toch neet gaon es ich weit
Dalik huuer ich de sjoeanste klarinette
En ich kin toch neet gaon es ich weit
Dalik huuer ich de sjoeanste trombóne
Nae den kin ich neet gaon
Den kin ich neet gaon
Den kin ich neet gaon

--------------------------------------------

CHANG
2005/2006: Tekst & muziek: HerRen
Zang: HelLen

Zien moodel kumptj oet china
En zien vadel is eine lus
ze deje same lotzooje
En toen waas Chang der dus

Chang is hiej de noewe plins
Mèt eine gloeate wins
Ed’lein achtelein inne lie
Den zeen de jokels blie, Den zeen de jokels blie.

Refrein:
Dokke, fokke, gokke, lokke knokke, klok
Mokke, pokke, lokke Hieële lekkele wok
Dokke, fokke, gokke, lokke knokke, klok
Mokke, pokke, lokke Hieële lekkele wok

Chang dae gaele vellekkeling
Dae kintj toch mel ein ding
Met de wokpan ane gang
Dlie maol HOELA, Plins Chang

’t jokellieëk is noe van Chang
Guftj kusjes op ‘t wang
en sjteit hae thoes te wokke
Duit d’l alle katte lokke, Duit d’l alle katte lokke

--------------------------------------------

UT DAAK D’R AAF
2008/2009: Tekst: Hugo Delissen - muziek: Hub Abels

Waeke veur de carnaval den kom ich in de noat
Den mot ut gaon gebeure want dan kriebeltj mich ut bloat
Ich sjooi den alle merte aaf op zeuk nao vast get lol
Want es ut vastelaovendj is den goan ich oet de bol

Refrein:
Geine joker heltj mich vast, ich hoal alles oet de kast
Wae gaon hie veur uch knalle jao man det is gaaf
Nog efkes en den geit joa, den geit ut daak d’r aaf
Geine joker helt mich vast, ich hoal alles oet de kast
Wae gaon noe echt beginne en laote um flink gaon
Want veur det gae ’t wetj is ’t weer gedaon

Met troat en trom noa carnaval jao es gae det mer wetj
Nieks det is noch sjoaner, leuker, beter, of cool vet
En es d’r repetitie is van de zaate hermenie
Den bun ich neet te haoje kerel waat bun ich den blie

Wae gaon auch met d’n optoch inne groep of oppe ker
Es einzelgaenger, duo, trio ut is net zao ver
Zeen wae aan ut inj en staon dao den noch steeds os vrunj
Den pakke wae os same en den loupe wae noch ein runj

--------------------------------------------

DAO KUMPTJ 'T
2004 nr.1 : Tekst & meziek: HerRen (Herman Claessen, Ren Bours & Jos van Rens)

Mèt vastelaovendj duuk ich weer ins inne kas.
Ich zeuk ein pruuk, ein boeks, ein humme en eine jas.
Mèt gekke kläöre en mèt de geur van mottebel,
es ich det áán doon, jao den höb ich 't sjnel.

Refrein:
Dao kumptj 't, dao kumptj 't,
ich veul 't alweer.
Dao geit 't, dao geit 't,
Op en neer. (x2)

Mèt de bóntje aovendj, den begintj ut alweer.
Ich bön d'r klaor väör, ich ruuk de sjmink en 't beer.
En dae meziek, manne, dae maaktj 't pas aaf.
De vloer begintj te sjödde, alaaf, alaaf, alaaf, alaaf..

Alle Zuderlinge, jao auch de Gouverneur,
wille mèt de vastelaovendj, estebleef gein gezeur.
Allein mer polonaise, achter de prins in zien gewaad.
Mèt vastelaovendj is ederein zo gek wie ein raad.

Hallou maedje, allang neet mieër gezeen.
Ze hèltj mich vast man, ich gaon bienao door mien kneen.
Ze, ze, ze, ze....
Gesproken door HER:
'Waat noew weer ? Net noew 't sjpannendj waerdtj sjèjt d'r oet.?
Gesproken door REN:
'Potverdomme ich bön de tekst kwieët, mer de bewaeginge die weit ich waal, dus ich bön neet alles vergaete.
Wacht ins efkes, dao kumptj ut, noe weit ich 't weer; '

--------------------------------------------

GEK OP VASTELAOVENDJ
2008/2009: Tekst & muziek: Thijs Claessen
Zang: De Briljantjes

Ich mot uch get vertelle, dus loestert noe ins good,
Ich hooj van vastelaovendj, det zit bie mich in ’t blood
Want wie ich waas gebaore toen zag de pap al drek,
Kiek hie waat eine joker eine vastelaovesgek,
(Kiek hie waat eine joker eine vas-te-lao-ves-gek)

Met pap ging ich toen same, in de optocht met.
Wae haolde toen de ieërste pries, ’t sjtong zelfs inne gezet.
Ich haaj de sjmaak te pakke, men zag toen ouch al drek,
Kiek hie waat eine joker eine vastelaovesgek,
(Kiek hie waat eine joker eine vas-te-lao-ves-gek)

Refrein:
Want ich bin zoea gek op vastelaovendj,
Ich bön zoea gek op karneval
Ich bön zoea gek op vastelao-hao-vendj
Daorom vinse mich äöveral

De vastelaovendj veere, is ’t sjoeanste waat d’r is,
Lekker drie daag aane gang met koffie beer of fris.
Gans limburg det is ein groeat fieëst dao bön ich op mien plek
Want ich bön eine joker eine vastelaovesgek
Want ich bön eine joker eine vas-te-lao-ves-gek

Met is ’t den asgoonsdig, den is ’t fieëste klaor.
De vastelaovendj is gedaon, alaaf toet volgendj jaor.
Mer ich ich kan neet wachte gluif mich es ich zegk,
Ich bön eine joker eine vastelaovesgek,

--------------------------------------------

DE GROËTE VASTELAOVES-HIT
2008/2009: Tekst: Bas Keltjens & Hugo Delissen - muziek: Hub Abels

Ich kin ein hiel leuk leedje, ein vasteloavesleedje,
ich kin ein superleedje en det geit neet oet dea kop
Ich hub det noe al waeke, ut is urges blieve steake,
en waat ich auch probeer ut heltj neet op
Noe weit ich ongertusse, det veur is neet te blusse,
de dokter in ut ziekehoes “ich weit ut echt neet “zeat
Noe bliektj det is ut vage, det eederien al daage,
det zelfdje leedje in zien kupke haet

Refrein:
Want eederein zingtj met, met deze grote vastelaoves-hit
In eder durp en eder stad, die gaon met dit leedje plat
Kom zing noe met os met, met deze groëte vastelaoves-hit
Hubs dich det leedje inne kop, wil neet mier det ut stop

Och had ich maar, waat zaeter, bestel drek eine maeter,
hat Ome Wielie Josefien noch good geammezeerd
Ich zek dèh dan doa issie, ut weurdj bienao ein missie,
die superleedjes weare noe geeerdj
Den heur ich ‘nne Late, hub gea ut in de gaate,
hiej blief ich zeker plekke miense es gea det mer wetj,
Wiebele of Drejje, doan wae zonger bezaeje,
omdet det blood in os familie zit

--------------------------------------------

HARIE ZIEN KERNALIE
2008/2009: Tekst: Hugo Delissen – muziek: Hub Abels

Refrein:
De vrouw van ooze Harie
Det is mich ein kernalie
’t Ganse jaor den pastj d’r op
Mer kriegtj ze toch op ziene kop
Mer waat duit ooze Harie
Verklèdj in februari
Hae löptj den neet mieër inne riej
Nae, Harie dae is vriej

Drek mèt vastelaovendj geit Harie flink op zjwier
Zien kernalie kan den grijze waat ze wiltj, hae geit allein mer wieër
Kumptj d’r ’s-aoves thoes en kriegtj dae erme ze alweer
Den flötj dae Harie vrolijk wieër want mörge geit d’r weer

Hae versjtoptj zien pekske woea ze toch gaar neet kiektj
Den kloptj d’r zich de rotzooi vanne kraag zoeadet ’t toch get liektj
En ’s-aoves nao ’t fieëste hèltj hae zien pekske aan
Den is d’r ’s-mörges flotter oet zien nest en kan d’r ieërder draan

Oppe dinsdigaovendj den ruuk se al van wiet
Det Harie nog sjteeds vastelaovendj veertj hae hieët nog efkes tied
Zie moeltj weer es d’r thoes kumptj mer Harie hieët gein leit
Hae wètj det d’r nao sjlaop en douche weer Hieëringbiete geit.

--------------------------------------------

HEURE ZEEN & ZWIEGE
2008/2009: Tekst: Hugo Delissen - muziek: Hub Abels

Refrein:
Doe mos heure zeen en zwiege
Waat hubbe wea ut goot
Doe mos heure zeen en zwiege
Gein risico gein gekloot
Steeds mer heure zeen en zwiege
Zeuk de mekkelijke weag
Doe mos heure zeen en zwiege
En geaf um nog ein veag

Bie mooder in de keuke
Doa woor altijd get oet
Dao zoot os Sjra en Tjeuke
Want die haaje nog gein broed
De eine dea kos neet kalle
Dea angere dea woor blindj
Mer bie mooder in de keuke
Doa weurdje die twee verwintj

Mien vaader mos ich zeuke
Mien mooder die woor kwoad
En same met Sjra en Tjeuke
Zog ich toen oppe straot
Mer bie Mie in ut cafeeke
Dao woore zien remme los
Mer goot det neet kieke
En Tjeu nieks verroaje kos

HOONDEREVELLE
1985: Tekst & muziek: Jo Delissen

Refrein:
Van dich krieg ich hoonderevelle, hoonderevelle, hoonderevelle.
Van dich krieg ich hoondervelle, ich zek ut dich keij helle.

Sjang wol einen aovendj oet,
Mer An wol neet met hum mèt,
Waat Sjang auch zag, An ging neet droet,
En kroop vreug in heur bèd,
Hea reet zich toen flink op,
En Sjang kwaakdje volop.

En Sjang mos toen allein mer gaon,
Hea trof ein leuke meid,
Mer diej zoog Sjang gaaroet neet stjoan,
Waat deej um det ein leid
En loester waat der zag,
Ich heürdje um vannach.

Sjang dea weardje sjterrezaat,
De peliessie heel um aan.
Zek Sjang waat duis doe nog zoë laat.
Kom mêt doe bös der aan.
Mer Sjang dea weardje gek.
En zag och man verrek.

--------------------------------------------

JOA, JOA
2008/2009: Tekst & muziek: Nicolette Derckx

Refrein:
Met vasteloavestied bin ich d’r altied bie, joa, joa, joa, jao.
Met vasteloavestied den bin ich altied blie, joa, joa, joa, joa.
Doe zuus mich euveral woa noch ein lempke brandtj, joa, joa, joa, joa.
Want iederein deh wetj, ich bin de letste klantj, joa, joa, joa,joa.

Heur ich al die leuke leedjes weer,
kriebeltj het mich euveral.
Zit ich op het puntje van de stoal,
te wachten op het eirste bal.
Mien pekske hingtj al weake inne kas,
ich hob ’t al doezend kiër gepas!!!!

Ich goan den ech dit sjoane dörp neet oet,
stel dich veur det ich get mis.
Nee, vief daag höb ich ein gekke sjnoet,
en hou ich keihel op die kis.
De geur van schmink en beer leitj mich neet los,
ich weit ich bön alweer de klos!!!!

--------------------------------------------

DE JOKER
2008/2009: Tekst & muziek: Thijs Claessen
Zang: De Arosakapel

Refrein:
Enne joker dae zingtj enne joker dae lacht,
Enne joker wiltj fieëste toet laat inne nacht.
Enne joker haet lol, maaktj sjpas en plezeer,
Enne joker dae drinktj ouch hiel gaer get beer.
Enne joker dae zitj, enne joker dae steit,
Enne joker heltj väöl van gezelligheid.
Enne joker is dun, enne joker is diek,
Enne joker is sjoean en uniek.

Versjaole tösse Häör en Hael, ’t water en de boes.
Dao ligktj ein hiel klein dörpke sjoean, dao veultj zich ederein thoes.
Det plaetske is ’t jokerriek met minse groeat en klein,
Dao bösse eine joker en steisse noeats allein.

Es joker bön ich groeat gebracht toet echte Bieëgdjermins,
Den witse ouch waat Bieëgdje haet, detse nurges angers vins.
Al geisse den oeats weg van hie väör eine lange tied,
Dae joker blieftj altied in dich dae raakse noeats mier kwiet

--------------------------------------------

LEK MICH DE ZÖK
2004 nr.2 : Tekst & meziek: HerRen (Herman Claessen, Ren Bours & Jos van Rens)

Ich zaag dich biej den tapkast sjtaon,
ich wol opsjlaag met dich danse gaon.
Ich waas get vlot, en doe flötdjes mich trök (en zags...):
Lek mich de zök, lek mich de zök.(2x)

Ich zei heij, schat noew bön ins leef,
Dans met mich, dans met mich estebleef.
Zie zaet jong, zit dich dao op die krök (en...)
Lek mich de zök, lek mich de zök (2x)

Ich zei mejaar, schat waat zuus doe oet.
Ich maak dich gaer opsjlaag mien broet.
Kom nao boete, det ich dich ein blömke plök (ze zaet...):
Lek mich de zök, lek mich de zök (2x)

Ich zei waatbleef, ich kin dich neet versjtaon.
Met dae helle meziek, zie zaet loup nao de maon.
Kom mèt nao boete, ich vinj 't hiej te drök (ze zaet...):
Lek mich de zök, lek mich de zök (2x)

Ich zei des good, es 't neet angers kin.
Doot ze mer oet, den gaef ich dich diene zin.
Ich doon alles, alles väör oos gelök (desnoeats...)
Lek mich de zök, lek mich de zök (2x)

Lek mich de zök, lek mich de zök (2x)
Num det mer gelök, höb pien inne rögk,
waat höb ich 't drök, sjtök óngelök.
och... lek mich de zök.

--------------------------------------------

MIEN FÈL ROSE RUUTJESPAK
2008/2009: Tekst: Hugo Delissen - muziek: Hub Abels
Zang: Twiee in ein Nès

Refrein:
In mien fèl rose ruutjespak
Bloas ich op dea doedelzak
Samen met de trommeleer
Sjpeal ich det leedje weer
In mien fel rose ruutjespak
Staon ich sjots en sjeif
Deat maaktj niks oet tot soaves laat
Sjpeele wea nog leif

En bienoa ederein
Zooj ins heal gear wille zeen
Waat onger os rokke hingtj
En waat bie oos kneen zoa blinktj
Ut is echt gein groot geheim
Wea zegge teage eederein
Wiet onger die schotse rök
Doa bungeltj os gelök

Bloaze op de doedelzak
Is ein heal inspannendj vak
Mer waat mich ut meiste reuktj
Is es mich dea zak weer sjleuptj
Es ich um den wakker hub
En hea met mich noa boete lup
Hingtj boave die sjotse zök
Noch steeds os groot gelök

--------------------------------------------

MER, MER, MARIEKE
2001: Tekst & muziek: Herman Claessen, Frank Delissen & Thijs
Zang: La Traalknaal

Refrein:
Mer, mer, Marieke, waat sjteisse dao alweer te prieke ?
Wilse det alle jónges kieke nao dien blome bluuske en dien noewe sjoon ?
Mer, mer, Marieke, mótte den anger maedjes wieke ?
Doe leuts dich toch door nemes sjtrieke, kindj, doe zits dich zelf väör kloon.

Marieke surftj op Internet, de ganse daag en nacht.
't Meeltj en babbeltj en 't sjetj, sjteeds op mannejacht.
Zoea aaf en toe den hieët't beet, de leste, dae hètj Fred.
't Hieët mèt hem ein blinje deet gesjnaptj op Internet.

Noe sjteit 't bie os oppe hook te wachte op dae Fred.
Ein plaetje oet ein plaetjesbook, 't sjtök van Internet.
Ein blome bluuske en noew sjoon, det's woea d'r hem aan kintj.
't Dörp, det hieët mèt hem te doon, en ederein, dae zingtj:

--------------------------------------------

MIEN MOEL-KEPEL
2005/2006: Tekst & muziek : H2O (Herman Claessen & Hein Moors)
Zang: : De Moelkepel

Ich wil bie ein joekskepel
Mer kóm duchtig in de knel
Songer träöt of trómmelvel
Mer ich höb ein parallel

Wie ‘ne repper moel ich sjnel
Krieg ich zellef hoondervel
huer waat ich uch noe vertel
ICH bön … mien eige MOEL-kepel

Tuppedetuppetup det is de tróm
Zoemmmm zoemmm de saxofoon
Boep-boep-boep-boep det is de bas
Mien moel-kepel die klinktj zoea sjoean
Retteteketeteketet klinktj de trómpet
Peuuuweuuuheuuu klinktj de trómboon
Boem…. boem …..de dieke tróm
Mien moel-kepel die klinktj zoea sjoean

Bie mien eige moel-kepel
Is plaats väör de vriegezel
Väör de kloon en de rebel
mèt en songer sjarretel

Kóm op, sjpeel dit moele-sjpel
Fien en licht wie ein libel
In de maot en den knoer-hel
DIT is … ein echte moel-kepel

--------------------------------------------

MIEN POLONAESETRÄÖTJE
Tekst & muziek: Herman Claessen & Frank Delissen
Zang: La Traalknaal

Refrein:
Mèt vastelaovendj klinktj de samba, toch huer ich lever polonaes.
Mer edderein sjtamptj op dae klamba, de polonaes is d'r gewaes.
Hie klinktj de mambo, dao klinktj de limbo, men drèjtj hieël duchtig mèt die kóntj.
Soms klinktj de rumba, den weer de cha-cha, mer geine polonaes drèjtj róndj.
Mèt vastelaovendj klinktj de samba, toch huer ich lever polonaes.
Mer edderein sjtamptj op dae klamba, de polonaes is d'r gewaes.

't Is weer vastelaovendj, ein sjoean noew pekske aan.
Mien polonaeseträötje óm: pas op, hie kumptj-er aan !
Ich doon de däör wiet oeape, van mien sjtamcafé.
Dao kumptj-er mich al tieënge, ich dink: Héreminé !

Get later oppe aovendj, gooj sjtumming en gooj zin,
de zjwaam löptj langs de rame aaf en ich loup midde d'rin.
De sambaklanke klinke, toch misjtj det ritme get.
Mien polonaeseträötje, det is toch je-van-het !

--------------------------------------------

OOS MAM
2008/2009: Tekst & muziek: Hub Abels

Es de jónge weer gaon sjtappe, is Mam al óngerwaeg
De sjlabber óm en happe, och waat hieët ze ’t toch gaer
Den sjtaon ze dao te tröatte, ze wètj toch gaar neet waat
Ze reuptj den: “Des pas lekker, waat zitj d’r in det vaat?”

Refrein:
Oos Mam, die vieftig is, is d’r tösse oet.
Met ’n pruuk en roeaje naas en ein gevèrfdje sjnoet
Drie daag noe aan de rol, oos Mam die lieëtj ‘m gaon
Ze sjoeatj noe al de kroege aaf en lieëtj d’r geine sjtaon

Die blage van ós naeve, zeen noe lekker weer op sjtap
Es ederein geit druime, jao den lache die zich sjlap
Die jónge van ós naeve, die löste mieër es pap
Dao waerdtj weer eine gegaeve, rieët oeape noe dae tap

--------------------------------------------

OOS SJOEAN JOKERRIEK
1963: Tekst & meziek: Thei Peters oet Häör

Jao, Bieëgdje is ein dörpke, al is het ouch ein klein,
mer carnaval in Bieëgdje det is ein waar festijn.
Dao kinse danse, sjpringe en sjoemele tieënge ein.
Jao, carnaval in Bieëgdje, det is väör groeat en klein.

Refrein:
Lang laeve de Jokers, de carnaval in 't landj.
Lang laeve de Jokers, wae kieke neet nao rang of sjtandj.

Wae höbbe ouch ein mäöle, die sjteit jao op 't zandj,
en waat dao dróm en draan hingtj, det is 't vaste landj.
Drie daag het is nog gekker, noe alles aan de kantj.
Veertj carnaval in Bieëgdje, in oos eige Jokerlandj.

--------------------------------------------

DE POLONAIS
2004/2005 nr.1 : Tekst & meziek: Thijs Claessen
Zang: De Briljantjes

Refrein:
Dao kumptj d'r aan, dao kumptj de Jokerprins. (Alaaf)
Sjloet achter aan, eder kindj en groeate mins. (alaaf)
Kiek ins, zeetj gae hem neet kómme? Den is hae al gewaes,
Hei, kóm op, sjloet mer achteraan en loup de polonais.
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, höbtj gae 't al gedaon.
Want de vastelaovendj is zoea flot gedaon.
De elfdje van de elfdje is allang gewaes,
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, Sjtaptj noe mer lekker in
De polonais is langer, es in het begin.
Doot mèt en volg de sjlinger, bön toch neet zoea waes.
Hei, kóm op, sjloet mer achteraan en loup de polonais.

Hei, Jokers, luuj van Bieëgdje, is dit neet briljant?
Stjrak geit de polonaise door 't ganse landj.
De rits die waerdj sjteeds langer, zeker esse zaes,
Hei, kóm op, sjloet mer achteraan en loup de polonais.

--------------------------------------------

’T PRINSEPEKSKE
2008/2009: Tekst: Jan Kessels - muziek: Jan Kessels & Frank Delissen

’t Is weer vastelaovendj
De sjoeanste tied van ’t jaor
En net es anger jaore
Haaj ich mien klonepekske klaor
Mèt ein mots, ’n naas en ein gek träötje
Gaon ich d’r tieënge-aan
In de polonaise loup ich weer gans väöraan
In de polonaise loup ich weer gans väöraan

En den zingtj weer ederein
Vanne Jokers groeat en klein

Refrein:
Hae geit väörop (boem boem)
Mèt zien klonepekske aan
Hae geit väörop (boem boem)
Mèt zien klonepekske aan, zien klonepekske aan

Mer dit jaor mèt vastelaovendj
Waer ich ins geine kloon
De Jokers die kwoeame vraoge
Of ich dit jaor de prins wól doon
Ich wis neet, waat ich huuerdje
Det waas miene groeatste wins
Eine kieër in mien laeve es echte Jokerprins
Eine kieër in mien laeve es echte Jokerprins

En dus zingtj noe ederein
Vanne Jokers groeat en klein

Hae geit väörop (boem boem)
Mèt zien prinsepekske aan
Hae geit väörop (boem boem)
Mèt zien prinsepekske aan, zien prinsepekske aan

--------------------------------------------

SAME MÊT DEN OPTOCHT MÊT
1984: Tekst & muziek: Jo Delissen & Henk Evers

Refrein:
Same mêt den optocht mêt, den optocht mêt, den optocht mêt,
Same met den optocht mêt, same, same, same

Wea doon os get aan, en gaon der tiëge aan,
Wea gaon nog neet nao hoes veur morgevreug,
Al weurdj het auch get laat, mesjien ein bietje zaat,
Det is beater den vreug en neet meug.

Koom tap h'm nog ins vol, wea make flinke lol,
In Bieëgdje is noew eine öngerein,
Eederein duit mêt, en nemes geit noa bed,
Wea blieve allemaol driej daag oppe bein.

--------------------------------------------

DE SCEPTER (kiek of ze hem vins)
2005/2006: Tekst & muziek: Thijs Claessen
Zang: Briljantjes

Refrein:
Griep hem es se kins,
De scepter vanne Prins.
Want det dink det moog hae noeats vergaete,
Ouch al is hae aan 't aete
Dus kiek of se hem vins,
De scepter vanne prins.

En de Prins dae haet get sjieks
Get sjpesiaals en get unieks
Altied zjwèje inne lóch
Esse hem te pakke kriegs
Den wins doe de ieëste pries
Want den kriegse drie daag beer genóg

Dus let good op, en kiek sjteeds weer,
En verdeen ein groeat vaat beer.
Dus zegk ich....

Oze prins dae hieët 't zwaor,
Drie daag lang als leste klaor.
Al daag met det dink op paad,
Lieët de prins 'm aeve los,
Den is de adjudant de klos,
As doe hem paks den waerse lekker zaat.

--------------------------------------------

DE SCHÖPPESJTEEL
1983: Tekst: Henk Evers - muziek: Jo Delissen

Refrein:
't Is weer vastenaovendj ein fieëst veur allemaol,
Offertj good aan Bacchus, laotj der geine staon,
Doot neet wie eine Hollenjer in eine boerekeel,
Want esse mörge krank bös, reuptj eederein schöppesjteel

Veul miense kniepe der tössenoet en gaon op wintjersport,
Nao Zwitserland of Oäestenriek ze doon zich zellef te kort,
En oere aan de skilift staon in deze schoëne tied,
Blief mer hiej in Limburg, door neet aan dea kale schiet.

Ein gans jaor wirktj ge uch kapot veur ein weak vol ergernis,
Alles hiej in í Zuide, wetj wie fein vastenaovendj is,
Dootj geweün, blieftj aan thoes, drinkt ein gleaske beer,
Asgoonsdig is 't weer verbiej, begintj 't werk alweer.

--------------------------------------------

'T IS VASTELAOVENDJ
2004/2005: Tekst & meziek: Ren Bours
Zang: HerRen

Ich kós miene pap, oeame Ties, oeame Sef en Piet van Klaos huere.
Ze haje vergadering hiej, bie ós oppe sjtal.
Zaege en tummere en herrie en nemes móg sjtuere
Zinge en sjliljere, grauwele, en eine houp sjaele kal.

En ós meuderke, tante Nel, tante Mie, die woeare inne käöke
't Nèjmesjieën drèjdje mer door en sjèjdje neet oet.
Sjtrieke en perse, de pekskes die mógte neet kräöke
En tössedoor oeate ze zjwartbroead, mèt werme kreboet.

Refrein:
Want 't is vastelaovendj (vastelaovendj)
Väör de rest efkes nieks (efkes nieks)
Allein vastelaovend, (vastelaovendj)
Jao det is get sjieks (zoea get sjieks)
't is vastelaovendj (vastelaovendj)
Väör de rest efkes nieks (efkes nieks)
Allein vastelaovend, (vastelaovendj)
Det is get unieks. (zoea uniek)

En de bekker, de sjlechter, de boerebóndj, die woeare gesjloeate.
En nemes dae maakdje zich drök, 't ging van allein
En gans 't dörp haaj d'r echt zin inne, mezieëk oppe sjtraote
Want väör ederein is vastelaovendj, väör groeat en väör klein.

--------------------------------------------

DE TATOE-AASJ
2002: Tekst & muziek: Frank Delissen & Herman Claessen
Zang: La Traalknaal

Refrein:
Ich wil ein tatoe, tatoe, tatoe-aasj.
Geine oearrink, geine naasrink, mer ein echte tatoe-aasj.
Gein piersing, mer ein ech dink... ein sjieke tatoe-aasj.
Ich zoog ze van de zomer, bie sjoean waer ane Maas.
Ein vleis gewoeare sjilderie: ein machtig taoe-aasj.
Ich wil ein tatoe, tatoe, tatoe-aasj.
Gein piersing, mer ein sjieke tatoe-aasj.
(Tatoe-aasj)

Es wicht al koch ich plaetjes en plekdje ich mich vol .
Zeen ich noe zó'n tatoe-aasj, den gaon ich oet de bol.
Ein sjattig, leef, klein, baerke bie emes oppe kóntj,
rueskes op ein maedjes-bórst, den veul ich mich gezóndj.

Mamma deer 'I love you so', ein hertje oppe erm,
in roead, en gael, en helder-greun, den krieg ich 't zoea werm.
Ein anker det waas vreuger, mer Elvis, dae blieftj in.
Och maak mich toch ein tatoe-aasj, den höb ich miene zin.

Ein sjroef inne naas, ein kètting inne aasj.
Geine auto inne graasj, mer waal ein tatoe-aasj.

--------------------------------------------

DE TUBA
2005/2006: Tekst & muziek: Thijs Claessen
Zang: Arosakapel Beegden

Ein kepel..... die kumptj nao boete,
Met de vastelaovendj lekker drie daag toete.
Ein kepel... die kin't neet laote,
Om te träöte boete oppe straote.

Ein kepel..... die kan sjoean klinke,
Mer natuurlijk ouch ein sjtevig putje drinke.
Det is sjoean..... det is gezellig,
Lekker toete toet op asgoonsdig.

Mer 't sjoeanste det besjteit,
Is es de tuba aan 't sjpele geit. (dao gaon we)

Man wie sjiek..... ein limburgs leedje,
Mer die hollenjers 'verstaan nog niet een beetje'
Van de kal........en sjaele wa-zel,
Wat betekent nu toch al die prazel,

Mer meziek.....dae leutj os danse,
Ouch de hollenjers, jappanners en zelfs franse.
Van Mestreech..... toet gans in Cuba
Zingtj gae lalala mèt mèt de tuba.

Want 't sjoeanste det besjteit,
Is es de tuba aan 't sjpele geit. (dao kumptj d'r)

--------------------------------------------

VASTELAOVENDJ (3 DAAG FIEËST)
2007/2008 nr.1 : Tekst & muziek: Thijs Claessen
Zang: Prins Jean 1, Adjudanten Tom & Luc

‘t ganse jaor langk werkse, werkse väör de baas
smörges vreug toet saoves dich altied de haas
Mer eine kier per jaor, den gaon de remme los,
Doe kins drie daag fieëste vastelaovendj is begos, met

Refrein:
Vastlaovendj is ’t altied fieëst, altied fieëst, drie daag fieëst
vastelaovendj is ’t altied fieëst, drie daag langk ein fieëst

’t Hieële jaor door klusse, in en om ’t hoes
hei noe poets de auto of Sjeng dao luptj ein moes
eine kier per jaor den heltj mich nemes vast,
den kumptj de echte joker drie daag oet de kast, met

Bösse aod en gries en al hiel lang met de vut
Höbs dus tied genog mer misjien waal geine fut.
Goeaj dien remme los en geneet nog eine kier,
Want baove in de hemel dao geit det straks neet mier, met

Geneet van die daag de vastelaovestied,
En laef dich good oet, den kriegse geine sjpiet
Want väör des ’t wèts, is ’t weer gedaon,
Dus laot ‘m 3 daag gaon, met

--------------------------------------------

VASTELAOVENS VERSJLAAF
2008/2009: Tekst: Hugo Delissen - muziek: Hub Abels

Es ich op vakantie bun hang ich op ein terras
Al is ut dertig graoje toch noch kaot in eine jas
In miene kop ein sjuuftrobone ich heur den blaosmeziek
Es ich aan vastelaovendj dink den veul ich mich zoa riek

Ich wil ut leefs nao hoes
En dink al aan die daag
Det ich weer met dich fieeste maag

Refrein:
Joa ich bun neet meer te haoje want ich bun versjlaaf
Waat is ut gaaf
Ich roop alaaf
Joa ich bun neet meer te haoje want ich bun versjlaaf
(Eine) vastelaovendj sjlaaf

En es ut den asgoonsdig is waat veul ich mich den sjlech
Ich dink steeds aan dea Carnaval want woor det auch waal ech
Zooj alles wille geave met trompet op toafel stoan
Ich wil det weer beleave en ut letst nao hoes toe gaon

En dan dink ich weer
Wie straks weer veule zal
Wie ut is met dich met carnaval

------------------------------------

VERGAETE PAEDJES
2009: Tekst: Herman Claessen- Muziek: Thijs Claessen
Zang: HerRen (Herman Claessen, Ren Bours, Peter Hustings)

Loup ich te voot door Bieëgdje haer, Ich zeen de bördjes langs de waeg
Ich zeen de name oet mien jeugd, ich weit nog good
zoea greun wie graas, wie ich toen waas

Den dink ich trök weer aan dae tied, Mien ieëste muulke geine sjpiet
Mien ieëste maedje get gevriej, vergaete paedjes op ein rie
‘t Paeperkeukske en de Brèj

Refrein:
Vergaete paedjes in ós Bieëgdjerdörp
Grathemerwaeg, de Brèj, Aan de Sjeetboum
Kaaljuffersjträötje, Paeperkeukske
Gaardwaeg woea ich van droum
Vergaete paedjes in ós Bieëgdjerdörp
Grathemerwaeg, de Brèj, Aan de Sjeetboum
Kaaljuffersjträötje, Gaardwaeg woea ich van droum

De Gaardwaeg leep door boes en veldj, Achter de sjtruuk waas ich de heldj
Hie liktj mien jeugd, hie liktj mien zeel, mer det waas toen
Weg is de haas, dae hie toen waas

Grathemerwaeg waertj Kreiteberg, ’t Paekerkeukske ‘vol’ waat erg
de jeugd hingtj róndj sjteit op ’t plein, vergaete paedjes zeen d’r gein
en vrieje kinse dao neet fijn

Refrein:

----------------------------------------

DUITS BEER
2009: Tekst en muziek: HerRen (Herman Claessen, Ren Bours, Peter Hustings)

Eder jaor den kómme wae mèt alle vrunj biejein
wae zeen den mèt z'n 2e det is baeter den allein
d’r is get waat bie ós óntbriktj, mer vastelaovendj neet
wae sjild’re en wae plekke, doe gluifs dien ouge neet!
Wae boewe aan de wage en kriege ’t hiel werm
de verf plektj aan de vingers en ouch aan oze erm
’t resultaat det moogs se zeen, ’t kintj neet mier kapot
Mer wae höbbe nog get nuedig bie dit Hemelse genot:

Refrein:
Duits beer, Duits beer, Duits beer een vettige wórst,
de wórst is väör de hónger en ‘t beer is väör de dórst
Duits beer, Duits beer, Duits beer een vettige wórst
de wórst is väör de hónger en ‘t beer is väör de dórst

Nao 6 oer sjtevig zoepe zitj de sjtumming d’r good in
wae zeen al hieël get lolliger den sjtraks in ‘t begin
de kratte beer zeen laeg gemaaktj, wae rouke nog ein peuk
De wage vluugtj noe in de fik det vinje wae best leuk
De brandjwaer waertj dr bie gehoealdj die sjpuite ‘m flot oet
Wae lache same ós kapot met ein koealzjwarte sjnoet
de vingers zeen verbrandj en ouch de haore oppe bórst
is hie nog get te kloeke wae verrekke van de dórst

Refrein:

--------------------------------------------

VASTELAOVESWELSKE
2005: Tekst & meziek: Frank Delissen
Zang: Ajuu Parapluu

Ut ganse jaor gedraag ich mich wie men det van mich verwachtj
Ut wèrke doon ich ueverdaag en sjlaope det doon ich sjnachts
Mer is den de kerstboum de däör oet
Den huer ich weer sjoeane meziek
De vastelaovendj kumptj d'r aan, den veul ich mich weer zoea riek

Refrein:
Op zó'n vastelaoveswelske, kin'se-m veer daag laote gaon
Jao zó'n lekker sjoenkelwelske, woea-se neet bie sjtil kins sjtaon
Huer ich mèt die daag zó'n welske, kriebeltj ut in hieël mien lief
Want ut 'vastelaoves-vere', det zitj in mien' hert en nere
Jao ut 'vastelaoves-vere' is ut sjoeanste tiedverdrief

Ich haoj van harmeniemeziek en auch waal van de Zank
En zelfs bie country, rock of blues vlucht ich neet weg oppe gank
Mer is vastelaovendj begónne
Den drèj ich de radioknoep óm
En zing ich mèt zó'n welske mèt, gesjpeeldj door ein träöt en ein tróm

--------------------------------------------

WAE ZÈTTE DE JOKER IN !
1999: Tekst & muziek: H. Claessen & F. Delissen
Zang: La Traalknaal

Refrein:
Wae zètte de Joker in mèt dees daag.
Vastelaovendj is de'n tied det alles maag.
Doot ins lekker gek en sjpring ins oet de bandj.
Danse, sjpringe, hosse door ós Bieëgdjer landj.
Wae zètte de Joker in, dus laot 'm gaon,
want op Aswoonsdig is 't weer gedaon.

In eder dörp en sjtad is 't aan de gang.
De vastelaovendj, dae laefdj ueveral.
Miense, sjtrieke sjmink op eders naas en wang.
in de optocht of bie 't boerebal.
't Is eine bóntje kraom óngerein,
want emes dae op sjtap geit, dae is noeats allein.

De vastelaovestied, dae zitj vol plezeer.
Jónk en aod, det paktj zich inne erm.
Rieje polonaises loupe wie ein sjpeer.
Ouch al is 't kaod, doe kriegs 't werm.
't Is eine bóntje kraom óngerein,
want emes dae op sjtap geit, is den noeats allein.

--------------------------------------------

EIN WA-WA-WA-WA-WATERGAAT
2002/2003 nr.1 : Tekst & muziek: Herman Claessen & Frank Delissen

Refrein:
Ein wa-wa-wa-wa-watergaat, det is waat hie noe ligktj.
Ein wa-wa-wa-wa-watergaat, wie det in Bieëgdje ligktj.
Drink water oet det watergaat, det geit hieël mekkelik.
Want water oet det watergaat, kumptj oet dae kraan van dich...

Dus drèj oeape noe dae kraan, wae drinke allemaol ins d'raan.
Want sjtilaan waerdj ut toch bekintj: 'Bieëgdjes water, det verwintj!'
Zoea-wie water oet de Lourdesgrot, sjpring-se van Bieëgdjes water ouch hieël flot !

Ouch de Bieëgdjer kasteleins, die zeen ut same ins mèt ein.
D'r kumptj gein beer meer oet de tap: 'Bieëgdjes water, vakmansjap!'
Want mèt water oet de watergaat, waer-se in Bieëgdje noeats mieër zaat mer naat !

Toevoegingen en aanvullingen aub naar info@beegden.com