Deze kwis is d'r allein väör de lol. De resultate waere nörgens opgesjlage.

Instructies: Kees 't juuste antjwoeard bie eder vraog.
Bevestig dien keus door ein van de röndjes aan te klikke.
Doe kins dien keus altied nog verangere.
(Esse de kwis höbs aafgemaakj op "Oetsjlaag" klikke, dan versjientj 't goje antjwoeard in 't hökske ónger de vraog.)

1. Op 16 november 1944 waerdje Bieëgdje bevriedj van de Duitse bezètting. Kórt daoväör, op zunjig 8 oktober 1944, kreeg Bieëgdje de ergste sjlaag te verwirke van de ganse oearlog, de kèrkrazzia. Wieväöl mansluuj en jónges waerdje mètgeveurdj nao Pruses óm dao te wèrke?
a. 32 mansluuj en jónges
b. 56 mansluuj en jónges
c. 85 mansluuj en jónges
d. 111 mansluuj en jónges
2. Bieëgdje kintj väöl vereiniginge. Volgendj jaor veertj ein bekindje Bieëgdjese vereiniging mèr leefs häöre 100e verjaordig. De vereiniging waerdje opgerichtj in 1905. Waem is deze ieëuweling?
a. Handjbaogvereiniging De Alpenjagers, opgerichtj door Jan Franssen en Mathijs Adams
b. Sjötterie St. Sebastianusgilde, opgerichtj door Harrie Puts en Sjra Rutten
c. Harmonie Crescendo, opgerichtj door Harrie Greve en Meister Smeets
d. De Bieëgdjer Beerclub, opgerichtj door Assuerius Verheggen
3. Uever Bieëgdje zeen neet zoeaväöl beuk gesjreve, zeker neet door boetelandse auteurs. Toch besjteit ein book, eine prismapocket, sjpesiaal opgedrage aan de bevolking van Bieëgdje. De auteur is Rex Wingfield, mèr wie hètj det book?
a. ‘Een ven te ver’ (oorsjprónkelikke titel: ‘The thin red line’)
b. ‘Soldaat in oorlogstijd’ (oorsjprónkelikke titel: ‘Guns and roses’)
c. ‘Het veld van eer’ (oorsjprónkelikke titel ‘Torch of honor’ )
d. ‘Een Tommy in de Lage Landen’ (oorsjprónkelikke titel ‘The only way out’)
4. Sinds ein aantal jaore waerdj d’r weer gezónge in Bieëgdje. ‘De Zank’ bringtj weer ein aoj tradisie trök in Bieëgdje. Oeat kindje Bieëgdje ein roemruchte zangvereiniging, bekindj toet in wiej omstjreke. Opgerichtj in 1869, kwaam in begin zeventiger jaore van de väörige ieëuw ein inj aan dees ‘Traditionverein’. Uever welke vereiniging höbbe wae ‘t?
a. Beegder Liedertafel
b. zangvereiniging ‘Société Lyrique’
c. Zangvereniging De Heidezangers
d. Zangvereniging Zanglust
5. Aan de kèrk sjteit ein sjoean monument van groeate kei-je ter herinnering aan ein gebäörtenis op 1 januari 1991. De óntwerper van dit monument is Harry Clerx, mèr bie welke gelaegeheid waerdje dit monument opgerichtj?
a. ‘t sjtopzètte van de ontgrinjing in de gemèndje Hael
b. De oplevering van ’t drinkwaterspaarbekke De lange Vlieter
c. De gemeintjeleke herindeiling van Bieëgdje, Hael en Wèssem
d. De ueverdracht van de Bieëgderhei door ‘t ministerie van Defensie, die toet dae datum de hei gebroekdje es militair oefenterrein
6. De Bieëgderhei telt in totaal mieër es 30 vènne en vènkes. In de aafgeloupe jaore zeen die vènne allemaol oetgebaggerdj. Ze ligke d’r noe weer prachtig bie. Esse via de aoj Sjieëpersjtraot (dit is de veldjwaeg rech tieënge uever de Eindsjtraot aan de Hieërsjtraot Nrd) richting boes wanjels en op de derde kruutsing van boespaedjes rechsaaf sjleis, kumpse langs ‘t Verloeare Vèn. ‘t Naamplaetje sjteit d’r nog. Deze naam is verzónne naodet ‘t vèn ‘n jaor of ach geleje opnoew is oetgebaggerdj. Wie is die aoj benaming van dit vèn? Eine naam dae dankzij de Werkgroep Heemkunde Bieëgdje in de toekoms weer gebroekdj geit waere?
a. ’t Vlindervèn
b. ’t Hieërevèn
c. ’t Kwakkertevèn
d. ’t Sjaopsvèn
7. In Bieëgdje laeftj de meziek. Gelökkig! Harmonie Crescendo, De Zank, de Arosakapel, Mushroom, Gino, La Traalknaal, Paol Haoje, De Briljantjes, HerRen en misjien nog waal ein paar. Wie heet de fieëstbend woea-oet La Traalknaal en Paol Haoje zeen óntsjtange?
a. O.Z.N. (Orkest Zonder Naam)
b. O.Z.N. (Orkest Zang Noten)
c. O.Z.N. (Orkest Zonder Nieuwelingen)
d. O.Z.N. (Ozel Zaat Neetnuchter)
8. ‘Zonnedauw’ hètj de sjtraot woealangs de lèste hoeze in de aafgeloupe tieën jaor zeen geboewdj. Eigelik wólle väöl Bieëgdjer det dees sjtraot de aoj plaatseleke benaming mós kriege. Det is helaas neet gelöktj. Wie waas de aoj benaming väör dit gebied?
a. ’t Zandj
b. De Aenjepool
c. ’t Paeperkeukske
d. De Champignonkwekerie
9. Sinds 1941 hieët Bieëgdje ein eige voetbalclub. Ofsjoean det Bieëgdje noeat eine echte hoeagvleger is gewaes, hieët ein lid van de voetbalvereiniging Bieëgdje ‘t toch zoeawied gesjöptj, det hae indj jaore ’50 toet begin jaore ’60 bie Sittardia, later de fusiepartner van Fortuna ’54, betaaldj voetbal hieët gesjpeeldj. Waem is deze speler?
a. Tom Lamerigs, woeantj aan de Hieërsjtraot
b. Leon Segers, woeantj aan de Mäölesjtraot
c. Sef Cobben, woeantj in de Abelensjtraot
d. Jo Allers, woeandje in de Kastanjelaan
10. Annemiek Derckx is de innige Bieëgdjer die oeat aan de olympische sjpele deilnòm. Zie wòn mèr leefst twieë echte olympische bronze medalies, in Seoul (1988) en in Los Angeles (1984). In welke tak van sjport waas det?
a. Kanovare
b. Sjoeansjpringe
c. Kogelsjtoeate
d. Zjwumme

Aantal gooj antjwoeardje:       Percentage good:      
Oetsjlaag:   

Klik hiej om 't nog ins te prebere.

Klik hiej om truuk te goan nao Sjtart.